Blog Archives

محاولات شعرية باللبناني

خواطر شعرية باللبناني (قديمة شوي من كم شهر لورا) بس بما إنو ما في الهام… 🙂

شو كان بدو مني
هالنهار
وعي اعوج ووعاني
قلي قوم يا صبي
وفتش ع غيم
غرقان بشي سما
دبلاني
قوم، فيق
روح مشي بين الناس
متل نسمة هوا
ما شايفها حدا
ساعة بتتخبا بفستان
وساعة بقلوب ملياني

————————-

مش مهتم
خيط لليل لحاف
اعبطو وخبي
وغنيلو بكم حلم
هاليل كبير كتير
اكبر من سما سودا
اجمل من دمعة صلى
واحلى من البوسة عالتم

————————-

يا شتي نزال
وحط عينك بعيني
متل شي مرا مغرومة
وضايعة بكم حرف
ملبكة بقلب مجعلك
من كتر التعب
من كتر الحزن

يا شتي قلتلك نزال
حاجك خيفان
أنا بخبيك متل شي سر
انا بخبرك عن الشمس
وبمسح عن جبينك شو بقي من غيم

يا شتي نزال
رشي زغيري ع وجي
بلكي بوعى شي شوي

….

%d bloggers like this: